CIRCONOVE NAVE DE CIRCO

 No proceso de xestación do Novo Circo galego houbo un lugar e un colectivo fundamental para este desenvolvemento. O lugar foi Santiago de Compostela, que de sempre foi un catalizador da cultura galega, e o colectivo foi PISTACATRO, formado por artistas galeg@s dunha mesma xeración provintes de diferentes disciplinas (o circo, o teatro, o cabaré, as artes plásticas, a música, o audiovisual, etc.), que tomaron o Circo e o Cabaré como elemento multidisciplinar común.

        As Festas do Circo na Sala Nasa , a programación de circo nesta mesma sala, o Festival deGorra! nas rúas compostelanas no mes de agosto (tres edicións) e múltiples actuacións e cabarés en vilas galegas son algunhas das propostas que se teñen realizado ata o de agora.

        Na actualidade este colectivo de xóvenes artistas reúnese na ASOCIACIÓN DE ANIMACIÓN SOCIOCULTURAL E T.LIBRE “CIRCO NOVE”, a vertente social do proxecto.

 

Por outra banda, sete dos seus membros decidiron formar compañía e unha empresa productora de espectáculos, encargada da rama comercial do proxecto: PISTACATRO PRODUTORA DE SOÑOS S.L.