CIRCONOVE NAVE DE CIRCO
ESPAZO DE ENSAIO E CREACIÓN
ADESTRAMENTO DIARIO INDEPENDENTE
Unha das necesidades básicas para calquera artista de circo é o adestramento diario. Non basta con ir a unha escola e aprender unha técnica, que moitas veces precisa dunha enorme destreza e habilidade física, hai que mantela para poder continuar co desenvolvemento das capacidades de cada un, na sua especialidade.
DESENVOLVEMENTO PROFESIONAL
Actualmente hai xa rexistradxs 25 artistas profesionais de circo adestrando de maneira regular, e o número vai en ascenso debido o interese que provoca a existencia dun local con estas características. Asemade, recibíronse visitas de artistas de circo de toda a península que se acercaron a coñecer este novo espazo e quedarse a convivir en Galicia.
Deste xeito os interesad@s poden acudir a un lugar onde poden adestrar e reunirse con outr@s afeccionad@s e profesionais, facilitándose así a comunicación entre eles e a fluidez de ideas e coñecementos.
COMPAÑÍAS RESIDENTES.
Citamos algunhas compañías que actualmente utilizan o espazo de maneira regular: Pistacatro, Duelirium, Compañia IO, Desastronauts , Isla LeTriska, Jano sen medidas, Xampatito Pato, Paula Quintas Cía......
RESIDENCIAS, ENSAIOS E FACTORIA DE CREACIÓN
Circonove presenta un programa de residencias anual onde as diferentes compañías tanto externas como internas da asociación poden reservar os diferentes espazos que ofrecen a nave de Circonove, para o uso exclusivo de investigación e creación.
